Seminari është përshëndetur nga sekretarja amerikane e shtetit Huilari Klinton, nëpërmjet një video-konference
Në kujdesin e ambasadës amerikane, gjatë ditës së sotme në Tiranë është zhvilluar një aktivitet për të drejtat e LGTB-së. Lulzim Basha, i pranishëm në këtë aktivitet, ka thënë se Tirana është kryeqyteti i tolerancës. Ndërkohë, ai i ka kërkuar ndjesë ambasadorit amerikan, Aleksandër Arvizu, për mungesën e shefit të tij, Sali Berisha.
“Jemi në kryeqytetin e vendit që njihet për tolerancën dhe mirëkuptimin. Mendojmë se njerëzit pavarësisht bindjeve meritojnë respekt të plotë. Nuk ka pasur raste dhune, por ato përballen me frikën e paragjykimit dhe mungesën të mbështetjes nga ana e shoqërisë. Orientimi dënohej gjatë komunizmit. Qeveria sot ka miratuar një ligj kundër diskriminimit. Në Bashki kam hapur një zyrë kundër diskriminimit që bashkëpunon me Avokatin e Popullit dhe institucione të tjera”, tha Basha gjatë fjalës së tij.
Ndërsa ambasadori amerikan u shpreh se, “shpresoj të përfshiheni në bisedime të sinqerta që të mos përsëritet ajo që 14 vjet më parë ndodhi në Amerikë, ku një njeri u gjet i vdekur vetëm se kishte orientim seksual të ndryshëm. Se gjithçka nis me një deklaratë thelbësore, të drejtat e LGBT janë të drejtat e njeriut. Dëshiroj të theksoj se kryeminstri Berisha ka shprehur qëndrimin e tij ndaj të drejtave të LGBT, nuk është e lehtë, por ndryshimi po vjen. Më herët, kur u tha se do mbahet parada, mediat raportuan gabim paradën e LGBT, ndërkohë disa zyrtarë kërkuan që aktivitetet të ndaloheshin”.
